Верица Марковска
Интервјуто со Андреј е правено во јануари 2024 година.
Јас учев во средно музичко училиште, бев многу немирно дете. Не бев многу заинтересиран за другите предмети освен музичките како соло пеење, солфеж, клавир и само по тие предмети имав добри оцени.
Верица: Што Ве инспирира Вас како уметник?
Андреј: Љубовта кон фамилијата, музиката што ја слушам, публиката и секојдневието се оние кои ме мотивираат.
Верица: Кажете ми за Вашите најдобри перформанси, дали можете да одвоите некои?
Андреј: Можеби моите најдобри перфоманси (иако не сакам да зборувам во суперлатив за себе) ги наоѓам во високите тонови од моето пеење, исто така отпеани во песните: “Што сака нека биде”, “Срце”, “Север и Југ” итн.
Верица: Кои беа Вашите први или најважни чекори во музиката, што беше она што моравте да го направите за да се наоѓате на ова место каде што сте?
Андреј: Еден од најважните моменти беше нашето запознавање со Панчо, се друго е големата љубов кон музиката, нашата посветеност кон ДНК и многу работа.
Верица: Кои се Вашите топ приоритети во моментов, на што работите?
Андреј: Како и секоја година, да извадиме неколку нови песни и видео спотови, можеби по некоја соработка и доста концерти и настапи тука кај нас и надвор од земјава.
Верица: Дали Вашите цели се остварени или се уште работите кон поголем успех и надвор од државата?
Андреј: Ние сме пресреќни со се она што досега ни се има случено кај нас, а како награда за се она што сме го сработиле изминативе години беше концертот во арената Борис Трајковски на која дојдоа 10.000 луѓе на кои им сме бескрајно благодарни, а за надвор, само да сме живи и здрави, па ќе видиме.
Верица: Што би им порачале на младите кои Ве следат, оние кои ја имаат истата пасија и љубов како Вас?
Андреј: Ние двајца почнавме како две скромни момчиња кои немаа многу можности на почетокот, но со многу работа, искрен однос меѓу нас двајца, љубов кон музиката и верба во себе, верувам дека успеавме да постигнеме голем успех на македонската музичка сцена и да оставиме позади нас голем број на песни кои ќе останат евергрини.
