ЗГ „Од станица до граница“ од Гевгелија од 27 до 29 јануари 2025 г. во рамките на проектот НАШИТЕ МЕДИУМИ учествуваше на Регионалниот настан за градење капацитети во рамките на подгрантирањето на невладиниот сектор во Западен Балкан. Учесници на овој настан ќе бидат здруженија од Македонија, Србија, Црна Гора, Босна и Херцеговина, Косово, Албанија, Хрватска и Словенија.
На настанот беа претставени тековните проекти на здруженијата. Гевгелсикото здружение „Од станица до граница“ го претстави проектот „Моја приказна – мој медиум“ што го реализира во соработка со СОУ „Јосиф Јосифовски“, ООУ „Ристо Шуклев“ од Негорци, ООУ „Климент Охридски“ од Миравци, ООУ „Кирил и Методиј“ од Стојаково и ООУ „Кочо Рацин“ од Нов Дојран. Партнер во остварувањето на активностите во овој проект е Драмската група „Дон Кихот“ од Гевгелија.
На настанот се одржат работилници насочени кон предизвиците за слободата на медиумите и слободата на изразување во пристапите кои носат добри резултати, како родовата компонента интегрирана во проектите како и мапирањето на начините за подобрување на истите. Меѓу другото предвачи беа професори и експерти:
- Бранкица Петковиќ, главен истражувач и координатор за подгрантови во проектот „Нашите медиуми“, програмски директор во Мировниот институт Љубљана;
- Марина Грња Клаиќ, национален координатор во проектот „Нашите медиуми“, Новосадска школа за новинарство;
- Ивана Стевановиќ, извршен директор во Фондацијата Славко Чурувија (SCF);
- Тијана Фемиќ, експерт за медиумска писменост на Новосадската школа за новинарство;
- Селма Зулиќ Шиљак, експерт за родова еднаквост и истражувач во Mediacentar од Сараево;
- Никола Ристиќ, активист и експерт за онлајн медиуми;
- Тихомир Лоза, директор на СЕЕНМП и координатор за комуникации во проектот „Нашите медиуми“.
Дел од сесиите беа посветени на напорите за комуникација; брендирање, насоки за видливост, меѓусебна комуникациска поддршка меѓу здруженијата и проектните партнери.
Проектот се спроведува во Албанија, Босна и Херцеговина, Косово, Црна Гора, Македонија, Србија и Турција, од страна на партнерските организации кои што се дел од Мрежата на Југоисточна Европа з апрофесионализација на медиумите (СЕЕНПМ), Медиа центар (Сараево), Албанскиот медиумски институт, Црногорскиот медиумски институт, Советот за етика во медиумите на Косово, Македонскиот институт за медиуми, Новосадската школа за новинарство, Мировниот институт од Љубљана и Бианет (Турција), а со финансиска поддршка од Европската Унија.
Здружението „Од станица до граница“ од Гевгелија го претставуваше претседателот на здружението Тони Аврамов.
Овој текст е подготвен со финансиска поддршка од Европската Унија. Содржината на текстот е единствена одговорност на ЗГ „Од станица до граница“ од Гевгелија и не мора да ги одразува ставовите на Европската Унија.
Регионалната програма „Нашите медиуми: Акција на граѓанското општество за поттикнување на медиумска писменост и активизам, спротивставување на поларизацијата и промовирање на дијалог“ се спроведува од страна на партнерските организации: СЕЕНПМ, Медиацентар од Сараево, Албанскиот медиумски институт, Црногорскиот медиумски институт, Советот за етика во медиумите на Косово, Македонскиот институт за медиуми, Новосадската школа за новинарство, Мировниот институт од Љубљана и Бианет (Турција), со финансиска поддршка од Европската Унија.
