Жената е нежна како цвет, но и цврста како карпа. Таа претставува двигател на општеството. Со својата силина е спремна да ги носи сите проблеми што ги создава животот на својот грб, а со својата чувствителност нѐ учи да имаме емпатија и љубов кон другите.
До ден денес трае борбата на жената да го пронајде своето место во општеството. Отекогаш нејзината моќ и интелигенција биле потиснувани. Обесправена и со макотрпна работа во фабриките работела за подобро утре. Благодарение на бестрашните Клара Цеткин и Роза Луксембург жената се буди од својот сон. Станува свесна дека може да биде рамо до рамо со мажите.
Во наследство од нашите предци ни е оставена нишката да ја продолжиме борбата, да бидеме свесни за своите квалитети и со моќта на нашите чекори да го поместиме светот.
