Ментор: Марија Ангова Цветковска
Новинар: Данче Гогова
Природата нечујно се буди. Сè повеќе и повеќе се слуша песната на птиците. Шумските потоци не се веќе заковани од зимскиот мраз – сега весело жуборат. Ја снема онаа зимска тишина и траговите од снегот. По ливадите се издигнува белото кокиче – весникот на пролетта. Развигорчето понекогаш тивко минува покрај нас, ни шепнува по нешто и заминува. Сè се разбудува и ја впива пролетната свежина. Се слуша зуењето на пчелите кои ги бараат пролетните цветови. На небото летаат птици, го најавуваат своето доаѓање.
Пролет е. Сонцето весело си поигрува со облаците. Сè е разиграно и весело.
Излегов на ливадата. Седнав на тревата намокрена од капки роса. Околу мене сè беше прекрасно. Шарените пеперутки летаа на небото. Нивната весела игра ми го привлекуваше вниманието. Ги гледав со воодушевување и сакав да им се придружам. Големи цветови беа издигнати со својата убавина – како секој од нив да ги повикуваше инсектите што летаат. Пчелите летаа насекаде и не можеа да се одлучат на кој цвет да застанат. По земјата маршираше војска од мравки, носејќи ја храната што ја собрале.
Јас го набљудував целиот тој свет со голема возбуда. Бев многу среќна. Се почувствував како да ја допрев пролетта.
Ми беше жал што не можев да останам таму – да седам на тревата и да гледам во ливадата која сјаеше под златниот сончев сјај.
Овој текст е подготвен со финансиска поддршка од Европската Унија. Содржината на текстот е единствена одговорност на ЗГ „Од станица до граница“ од Гевгелија и не мора да ги одразува ставовите на Европската Унија.
Регионалната програма „Нашите медиуми: Акција на граѓанското општество за поттикнување на медиумска писменост и активизам, спротивставување на поларизацијата и промовирање на дијалог“ се спроведува од страна на партнерските организации: СЕЕНПМ, Медиацентар од Сараево, Албанскиот медиумски институт, Црногорскиот медиумски институт, Советот за етика во медиумите на Косово, Македонскиот институт за медиуми, Новосадската школа за новинарство, Мировниот институт од Љубљана и Бианет (Турција), со финансиска поддршка од Европската Унија.
