Во ООУ „Ристо Шуклев“ во Негорци се одржа втората новинарска работилница од проектот „Моја приказна – мој медиум“ на ЗГ „Од станица до граница“ од Гевгелија.
На работилницата членовите на веќе формираниот клуб под името „Шукле“ имаа можност да се запознаат со работата на Медиумскиот клуб „Јоска“ од СОУ „Јосиф Јосифовски“ преку презентацијата на еден од уредниците Ѓорги Новаковски.
Исто така на работилницата беа промовирани веб-страниците на здружението и клубот „Јоска“ како добар пример кој треба да се следи заради создавање добри содржини за позитивни промени во општеството.
Проектот „Моја приказна – мој медиум“ на ЗГ „Од станица до граница“ од Гевгелија е кофинансиран од Европската Унија. Содржината на оваа статија е единствена одговорност на ЗГ „Од станица до граница“ од Гевгелија и не мора да ги одразува ставовите на Европската Унија.
