Во рамките на проектот „Врснички форум театар против насилството во училиштата“ се одржа работна средба со претставници од сите основни училишта и средното училиште од Општина Гевгелија, претставници од Центарот за социјална работа, Одделението за труд и социјална политика при Општина Гевгелија и Општата болница од Гевгелија.
На средбата присутните дискутираа за реализацијата на проектот во изминатите девет месеци, слабите и јаки страни, презентирајќи ги резултатите што секое училиште ги постигна.
Слабите страни што беа изнесени на средбата се заеднички став на сите учесници на работилницата, а тие главно се повторуваат од година во година:
- Нефункционални институции, поединци и служби;
- Непрепознавање на насилство наспрема конфликт;
- Неприфаќање на насилството од страна на родителите на сторителот;
- Различно толкување на изнесените факти при насилно однесување на учениците.
На средбата дискутирајќи за придобивките од проектот „Врснички форум театар против насилство во училиштата“, речиси едногласни беа сите учесници во однос на силните страни за кои голем придонес има проектот реализиран во изминативе девет месеци:
- Формиран локален совет за детско претстапништво;
- Охрабрување за пријавување на врсничкото насислтво;
- Отворено и јавно зборување за насилството присутно меѓу учениците;
- Соработка со стручните служби и сторителот на насилството;
- Медиумска покриеност.
Преку спроведувањето на работната средба се направи увид во фактичката состојба со врсничкото насилство во сите училишта во Општина Гевгелија. Заради рано детектирање и справување со врсничкото насилство се изготви превентивна програма, а се потенцираше и обезбедувањето на одржливоста на меѓусекторската соработка, а со тоа и одржливост на проектните активности.
