Во ООУ „Кирил и Методиј“ во Стојаково се одржа првата работилница од проектот „Моја приказна – мој медиум“ на ЗГ „Од станица до граница“.
На работилницата присуствуваа ученици од повеќе одделенија од Училиштето, а првата задача што ја имаа беше формирање на медиумски клуб кој во иднина ќе има задача да работи на создавање новинарски написи што ќе бидат објавувани на веб-портали или социјалните мрежи. Според предлозите на учениците медиумскиот клуб ќе го носи името „Зумер“.
Името на клубот е инспирирано од демографската група наследници (Генерација 3) на миленимуци и претходната генерација Алфа.
Координаторот на проектот, Тони Аврамов, пред членовите на клубот ги презентираше насоките и целите на проектот, а за ментор и координатор на клубот е назначена наставничката Елена Манолева.
Проектот „Моја приказна – мој медиум“ на ЗГ „Од станица до граница“ од Гевгелија е кофинансиран од Европската Унија. Содржината на оваа статија е единствена одговорност на ЗГ „Од станица до граница“ од Гевгелија и не мора да ги одразува ставовите на Европската Унија.
