ЗГ „Од станица до граница“ од Гевгелија во наредниот период ќе го реализира проектот „Моја Гевгелија“. За потребите на проектот ќе бидат изработени четири документарни филмови како туристичка промоција на градот и знаменитостите.
При снимањето на четирите документарни филма ќе бидат опфатени објектите:
- Гевгелиски Амам и старата чаршија, како дел кој го претставува историски отоманскиот период и архитектурата градена во тоа време, но и неговиот развој и менувањето на неговата улога;
- Национална установа – Музеј и Вардарски Рид – експонатите и локалитетот што ја прикажуваат историјата и културата на Гевгелија и околината уште од античкиот период;
- Црквите Свети Спас и Свети Кирил и Методиј – важни религиозни и културни објекти кои ја одразуваат духовната традиција на регионот и
- Библиотека „Гоце Делчев“ и улицата позната како „Од станица до граница“ – значајни културни и архитектонски зданија кои ја испишуваат историјата на градот од настанокот до денес.
Проектот „Моја Гевгелија“ се реализира преку програмата на ЛЕР на Општина Гевгелија.
