Новинар / ученик: Сара Јанева
Ментор: Маја Танова
Свети Ѓорѓи е манастирска црква над Валандово. Црквата се наоѓа во еден живописен предел на планината Плавуш, северозападно од Валандово.
Во средниот век на овој простор постоела мошне убава црква посветена на Свети Ѓорѓи. Неа ја подигнал српскиот цар Стефан Душан во 1349 година, а ја граделе неимари со развиена смисла за естетика.
Според едно предание кога Марко Крале се враќал од Прилеп од прошетка на планината Беласица, каде што ја одмерил својата сила фрлајќи големи камења во Дојранското Езеро, влегол во црквата Свети Ѓорѓи и се помолил на Господ. По краткиот одмор го продолжил патот кон Прилеп. По доаѓањето на Турците во Валандово црквата Свети Ѓорѓи прераснала во манастир.
Манастирската црква и конаците околу неа се оградени со високи и дебели ѕидови и затворена со тешка железна врата. Таа е мала по големина, градена е од камен, а во основата е спуштена за една степеница под нивото на бетонираниот трем, кој е нешто повисок од нивото на земјата. Внатрешноста на малата манастирска црква е исполнета со скромен фонд на икони,слики и дрвен намештај.
Манастирскиот простор денес е прекрасно среден и претворен во излетничко место, место за уживање и одмор. Околу манастирската црква има три чешми со исцртани фрески и со како што велат старите лековита вода.
Овој текст е подготвен со финансиска поддршка од Европската Унија. Содржината на текстот е единствена одговорност на ЗГ „Од станица до граница“ од Гевгелија и не мора да ги одразува ставовите на Европската Унија.
Регионалната програма „Нашите медиуми: Акција на граѓанското општество за поттикнување на медиумска писменост и активизам, спротивставување на поларизацијата и промовирање на дијалог“ се спроведува од страна на партнерските организации: СЕЕНПМ, Медиацентар од Сараево, Албанскиот медиумски институт, Црногорскиот медиумски институт, Советот за етика во медиумите на Косово, Македонскиот институт за медиуми, Новосадската школа за новинарство, Мировниот институт од Љубљана и Бианет (Турција), со финансиска поддршка од Европската Унија.
