Во аналите на историјата останува традиционлното пренесување на манифестацијата „Ѓура Мара“ која години за ред е под закрила на КУД „Танец“ од Миравци. „Ѓура Мара“ е фестивал со етнолошки и фолклорен карактер кој се одржува секоја година и ја прикажува легендата за Ѓура и Мара – приказна која е дел од локалниот фолклор.
Манифестацијата е инспирирана од локалната легенда за убавата Мара, која била грабната од турски војници, и нејзиниот брат Ѓуро, кој го жртвувал својот живот за да ја спаси. Оваа приказна се оживува преку посебно оро што го играат само жени и девојки, симболизирајќи отпор, достоинство и непокор на македонскиот народ.
Манифестацијата привлекува голем број посетители и учесници од целата земја и од странство, вклучувајќи фолклорни ансамбли од различни региони. Таа претставува значаен настан за зачувување и промовирање на македонската културна традиција.
Проектот се реализира преку Регионалната програма „Нашите медиуми: Акција на граѓанското општество за поттикнување на медиумска писменост и активизам, спротивставување на поларизацијата и промовирање на дијалог“ се спроведува од страна на партнерските организации: СЕЕНПМ, Медиацентар од Сараево, Албанскиот медиумски институт, Црногорскиот медиумски институт, Советот за етика во медиумите на Косово, Македонскиот институт за медиуми, Новосадската школа за новинарство, Мировниот институт од Љубљана и Бианет (Турција), со финансиска поддршка од Европската Унија.
Овој текст е подготвен со финансиска поддршка од Европската Унија. Содржината на текстот е единствена одговорност на ЗГ „Од станица до граница“ од Гевгелија и не мора да ги одразува ставовите на Европската Унија.
