Во ООУ „Климент Охридски“ во Миравци се одржаа две работилници во рамките на проектот „Моја приказна – мој медиум“.
На првата работилница беше формиран медиумскиот клуб кој се именува „Миравчки информативен гласник“ или накратко МИГ. Клубот беше формиран под менторство на наставничката Маја Танова, но исто така беа и посочени наредните активности што ќе ги имаат членовите на клубот.
На втората работилница координаторот на проектот Тони Аврамов на присутните членови им го образложи проектот и главните цели што ќе бидат опфатени со проектните активности и дека главната улога во целиот процес ќе им биде доверена на учениците.
Се очекува во наредниот период да се реализираат првите работилници со новинари и режисери.
Овој текст е подготвен со финансиска поддршка од Европската Унија. Содржината на текстот е единствена одговорност на ЗГ „Од станица до граница“ од Гевгелија и не мора да ги одразува ставовите на Европската Унија.
Регионалната програма „Нашите медиуми: Акција на граѓанското општество за поттикнување на медиумска писменост и активизам, спротивставување на поларизацијата и промовирање на дијалог“ се спроведува од страна на партнерските организации: СЕЕНПМ, Медиацентар од Сараево, Албанскиот медиумски институт, Црногорскиот медиумски институт, Советот за етика во медиумите на Косово, Македонскиот институт за медиуми, Новосадската школа за новинарство, Мировниот институт од Љубљана и Бианет (Турција), со финансиска поддршка од Европската Унија.
